ಹಾಸನ: ಮೊಬೈಲ್ ಹೊಂದಿದ್ದ ಕೋರಿಯರ್ ಬಾಕ್ಸ್ ಹಿಂಪಡೆಯಲು ನಿರಾಕರಿಸಿದ್ದ ಡೆಲಿವರಿ ಬಾಯ್ ನನ್ನು ಚಾಕುವಿನಿಂದ ಇರಿದು ಕೊಲೆ ಮಾಡಿ, ಪೆಟ್ರೋಲ್ ಹಾಕಿ ಸುಟ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯೊಬ್ಬನನ್ನು ಬಂಧಿಸಲಾಗಿದೆ.
ಅರಸಿಕೇರೆ ಲಕ್ಷ್ಮೀಪುರಂ ಬಡಾವಣೆ ನಿವಾಸಿ ಹೇಮಂತ ದತ್ತಾ (20) ಕೊಲೆ ಮಾಡಿದ ಆರೋಪಿ. ಫೆ. 7ರಂದು ಈ ಘಟನೆ ನಡೆದಿದ್ದು, ಫೆ. 11ರಂದು ಅರಸೀಕೆರೆ ಸಮೀಪ ಪೆಟ್ರೋಲ್ ಹಾಕಿ ಸುಟ್ಟು ಸಾಕ್ಷಿ ನಾಶ ಮಾಡಿದ್ದ ಎಂದು ಹಾಸನ ಎಸ್ಪಿ ಹರಿರಾಂ ಶಂಕರ್ ಸ್ಪಷ್ಟಪಡಿಸಿದ್ದಾರೆ.
ಆರೋಪಿ ಹೇಮಂತ ದತ್ತಾ ಫೆ. 7ರಂದು ಇಕಾರ್ಟ ಮೂಲಕ ಐಫೋನ್ ಖರೀದಿಸಿದ್ದರು. ಅದನ್ನು ತಲುಪಿಸಲು ಹೋಗಿದ್ದಾಗ ಬಾಕ್ಸ್ ತೆರೆದಿರುವ ಕುರಿತು ಇಬ್ಬರ ಮಧ್ಯೆ ಜಗಳವಾಗಿದೆ. ಈ ವೇಳೆ ಆಕ್ರೋಶಗೊಂಡ ಹೇಮಂತ ದತ್ತಾ, ಕೋರಿಯರ್ ಬಾಯ್ ನನ್ನುಕೊಲೆ ಮಾಡಿದ್ದಾನೆ. ಕೊಲೆಯಾದ ಹೇಮಂತ ನಾಯ್ಕ್ ಸಹೋದರ ನೀಡಿದ ದೂರಿನನ್ವಯ ತನಿಖೆ ನಡೆಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.
