ಬೆಂಗಳೂರು: ಕರ್ನಾಟಕ ವಿಧಾನಸಭಾ ಚುನಾವಣಾ ಹಿನ್ನಲೆಯಲ್ಲಿ ಬಿಜೆಪಿ ವರಿಷ್ಠರು ರಾಜ್ಯಕ್ಕೆ ಆಗಮಿಸುತ್ತಿದ್ದಾರೆ. ಈ ಹಿನ್ನಲೆಯಲ್ಲಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಎರಡು ದಿನಗಳ ಕಾಲ ರಾಜ್ಯ ಪ್ರವಾಸ ಕೈಗೊಂಡಿದ್ದಾರೆ.

ಜನವರಿ 5 ರಂದು ಗುರುವಾರ ಜೆಪಿ ನಡ್ಡಾ ಅವರು, ಚಿತ್ರದುರ್ಗ ಜಿಲ್ಲೆಯಲ್ಲಿ ಎಸ್ಸಿ/ಎಸ್ಟಿ ಮತ್ತು ಒಬಿಸಿ ಪಕ್ಷದ ಕಾರ್ಯಕರ್ತರ ಸಮಾವೇಶದಲ್ಲಿ ಭಾಗಿಯಾಗಲಿದ್ದಾರೆ.

ಚಿತ್ರದುರ್ಗದ ಮಾದಿಗರ ಚೆನ್ನಯ್ಯ ಮಠ ಹಾಗೂ ಸಿರಿಗೆರೆ ಮಠಕ್ಕೆ ಭೇಟಿ ನೀಡಲಿದ್ದಾರೆ.

ಜನವರಿ 6 ಶುಕ್ರವಾರದಂದು ದಾವಣಗೆರೆ ವಿಭಾಗದ ಕಾರ್ಯನಿರತ ವೃತ್ತಿಪರರೊಂದಿಗೆ ವಿಚಾರ ಮಂಥನ ನಡೆಸಲಿದ್ದಾರೆ. ಮಧ್ಯಾಹ್ನ ಮೂರು ಗಂಟೆಗೆ ಸಿರಾದಲ್ಲಿ ಕಾರ್ಯಕರ್ತರ ‌ಸಮಾವೇಶದಲ್ಲಿ‌ ಭಾಗಿಯಾಗಲಿದ್ದಾರೆ.

ದಾವಣಗೆರೆ ಕಾರ್ಯಕ್ರಮಕ್ಕೂ ಮುನ್ನ ಪಂಚಮಸಾಲಿ ‌ಹರಿಹರ ಪೀಠ, ಕನಕ ಹಾಗೂ ವಾಲ್ಮೀಕಿ ಪೀಠಗಳಿಗೆ ಭೇಟಿ ನೀಡ ಆಶಿರ್ವಾದ ಪಡೆಯಲಿದ್ದಾರೆ.