ನವದೆಹಲಿ: ಬಾಲಿವುಡ್ ನಟ ಶಾರುಕ್ ಖಾನ್ ಹಾಗೂ ದಿಪೀಕಾ ಪಡುಕೋಣೆ ಅಭಿನಯದ ಪಠಾಣ್ ಚಿತ್ರ ವಿವಾದಕ್ಕೆ ಈಡಾಗಿದೆ. ಚಿತ್ರದ ಹಾಡೊಂದರಲ್ಲಿ ದಿಪೀಕಾ ಕೇಸರಿ ಬಣ್ಣದ ತುಂಡುಡಗೆ ಧರಸಿದ್ದು ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ.
ಈ ಹಿಂದೆ ಭಾರತವನ್ನು ಹಿಂದೂ ರಾಷ್ಟ್ರವಾಗಿ ಘೋಷಣೆ ಮಾಡದಿದ್ದರೆ ಜಲಸಮಾಧಿ ಆಗುತ್ತೇನೆ ಎಂದು ಹೇಳಿದ ಸ್ವಾಮೀಜಿ ಪರಮಹಂಸ ಆಚಾರ್ಯ ಈಗ ಶಾರುಕ್ ಸಿಕ್ಕರೆ ಜೀವಂತ ದಹನ ಮಾಡುವುದಾಗಿ ಹೇಳಿದ ವಿಡಿಯೋ ವೈರಲ್ ಆಗಿದೆ.
ಹಿಂದೂಗಳ ಭಾವನೆಗೆ ದಕ್ಕೆ ತರುವಂತಿರುವ ಭೇಷರಮ್ ರಂಗ್ ಗೀತೆಯನ್ನು ತೆಗೆದು ಹಾಕಬೇಕು. ಪಠಾಣ್ ಚಿತ್ರದ ಪೋಸ್ಟರ್ ಗಳನ್ನು ಹರಿದು ಹಾಕಿದ್ದೇವೆ. ದೀಪಿಕಾ ಕೇಸರಿ ಬಿಕಿನಿ ಬಳಸಿರುವುದು ನಮಗೆ ನೋವು ಮಾಡುತ್ತಿದೆ. ಕೇಸರಿ ಬಣ್ಣದ ಬಿಕಿನಿ ಧರಿಸುವ ಅಗತ್ಯ ಇರಲಿಲ್ಲ. ಪಠಾಣ್ ಚಿತ್ರವನ್ನು ಬಹಿಷ್ಕರಿಸುವಂತೆ ನಾನು ಜನರಿಗೆ ಮನವಿ ಮಾಡುತ್ತೇನೆ ಎಂದಿದ್ದಾರೆ.
