ಬೆಂಗಳೂರು: ಸೈನಿಕರ ಕ್ಷೇಮಾಭಿವೃದ್ಧಿ ಇಲಾಖೆಯಿಂದ ಸೈನಿಕರಿಗೆ ಸರ್ವ ಸವಲತ್ತುಗಳನ್ನು ನೀಡಲಾಗಿದೆ. ಸೈನಿಕರಿಗೆ ಯಾವ ರೀತಿಯಲ್ಲಿ ಸಹಾಯ ಬೇಕು ಅವುಗಳನ್ನು ನೀಡಲು ನಮ್ಮ ಸರ್ಕಾರ ಬದ್ದ ಎಂದು ಸಿಎಂ ಬಸವರಾಜ್ ಬೊಮ್ಮಾಯಿ ಹೇಳಿದರು.
ರಾಷ್ಟ್ರೀಯ ಸೈನಿಕ ಸ್ಮಾರಕ ಮ್ಯಾನೇಜ್‍ಮೆಂಟ್ ಟ್ರಸ್ಟ್ ಬಳಿ ಮಾಧ್ಯಮದರೊಂದಿಗೆ ಮಾತನಾಡಿದ ಅವರು, ಸೈನಿಕರಿಗೆ ವಿಶೇಷ ಗೌರವ ಹಾಗೂ ಸವಲತ್ತುಗಳನ್ನು ನೀಡಲು ಕ್ರಮಗಳನ್ನು ಕೈಗೊಂಡಿದೆ ಎಂದು ತಿಳಿಸಿದರು.
ಕಾಂಗ್ರೆಸ್ ಅಸಂವಿಧಾನಬದ್ದ ಮತಗಳನ್ನು ಕ್ರೋಢಿಕರಿಸುತ್ತದೆ. ಈ ಬಾರಿ ಯಾವ ಯಾವ ಕ್ಷೇತ್ರ ಹಾಗೂ ಪ್ರದೇಶಗಳಿಂದ ಬಂದಿದ್ದಾರೆ ಎಂಬುದು ಸ್ಪಷ್ಟವಾಗುತ್ತದೆ. ಚುನಾವಣಾ ಆಯೋಗ ಹೊಸ ತಾಂತ್ರಿಕ ವಿಧಾನ ಅಳವಡಿಸಿದೆ. ಭಾವ ಚಿತ್ರ ನೋಡಿ ಐಡೆಂಟಿಫೈ ಮಾಡಲು ಕ್ರಮ ಕೈಗೊಂಡಿದೆ. ವೋಟರ್ ಗೇಟ್ ಹಗರಣವನ್ನು ತನಿಖೆ ಮಾಡಿಸಲಾಗಿದೆ. ಕ್ರಮ ಕೈಗೊಂಡಿದ್ದೀವಿ, ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ತಿಳಿಸಿದರು.
ಮಂಗಳೂರಿನಲ್ಲಿ ಸ್ಪೋಟ್ ಮಾಡಿಸುವ ಉದ್ದೇಶದಿಂದ, ಓರ್ವ ವ್ಯಕ್ತಿ ಕುಕ್ಕರ್ ನಲ್ಲಿ ವಸ್ತುಗಳನ್ನು ಹಾಕಿಕೊಂಡು ಹೋಗುವಾಗ ಬ್ಲಾಸ್ಟ್ ಆಗಿದೆ. ಆ ವ್ಯಕ್ತಿ ಹತ್ತು ಹಲವು ಬಾರಿ ಹೆಸರು ಹಾಗೂ ಐಡೆಂಟಿಟಿ ಬದಲಾವಣೆ ಮಾಡಿಕೊಂಡಿದ್ದಾನೆ. ದೇಶದ ಹೊರಗಡೆ ಸಹ ಉಗ್ರರ ಜೊತೆ ಲಿಂಕ್ ಇದೆ. ಆತನ ಕುರಿತು ಸಂಪೂರ್ಣ ಮಾಹಿತಿ ಕಲೆ ಹಾಕಲಾಗಿದೆ.
ಕೆಪಿಸಿಸಿ ಅಧ್ಯಕ್ಷರು ಆಕಸ್ಮಿಕ ಬ್ಲಾಸ್ಟ್ ಅಂತ ಹೇಳುವುದು ಶೋಭೆ ತರುವುದಲ್ಲ. ಬೇರೆ ಪ್ರಕರಣಗಳನ್ನು ಮುಚ್ಚಿ ಹಾಕುವ ಪ್ರಶ್ನೆ ಉದ್ಭವಿಸುವುದಿಲ್ಲ. ಭಯೋತ್ಪಾದಕರಿಗೆ ಬೆಂಬಲ ನೀಡುವುದು. ಉಗ್ರರನ್ನು ಗಲ್ಲಿಗೇರಿಸಿದಾಗ ಟೀಕೆ ಮಾಡುವುದು ಕಾಂಗ್ರೆಸ್ ನ ಚುನಾವಣೆಯ ತೃಷ್ಟಿಕರಣದ ನೀತಿ. ಅಲ್ಪ ಸಂಖ್ಯಾತರ ಮತಗಳ ಮೇಲೆ ಕಣ್ಣಿಟ್ಟಿದ್ದಾರೆ. ಈ ತಂತ್ರದಿಂದ ಮತಗಳು ಬರುವುದಿಲ್ಲ.
ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ, ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಪಕ್ಷ ದೇಶದಲ್ಲಿ ಅಶಾಂತಿ ಉಂಟು ಮಾಡುವ ಉಗ್ರರ ಪರವಾಗಿ ಇದ್ದಾರಾ? ದೇಶವನ್ನು ಉಳಿಸುವ ಭಕ್ತರ ಪರವಾಗಿದ್ದಾರಾ? ಸ್ಪಷ್ಟಪಡಿಸಬೇಕು.
ಪ್ರತಿ ಬಾರಿ ಆಟ ಆಡಿಕೊಂಡು ದೇಶದ ಹಾಗೂ ಪೊಲೀಸ್ ನೈತಿಕತೆ ಕಡಿಮೆ ಮಾಡುವ ಹೇಳಿಕೆ ನೀಡಬಾರದು. ಭಯೋತ್ಪಾದಕರು ಸಾಕ್ಷಿ ಸಮೇತ ಸಿಕ್ಕಾಗ ತನಿಖೆ ಅದರ ಪ್ರಕ್ರಿಯೆಯನ್ನು ಪ್ರಶ್ನೆ ಮಾಡುವುದು ಅವರಿಗೆ ನೈತಿಕ ಬಲ ಸಿಕ್ಕಂತಾಗುತ್ತದೆ ಎಂದರು.
