ಬೆಂಗಳೂರು: ರಾಜ್ಯದ ಮಲೆನಾಡು ರೈತರ ಸಮಸ್ಯೆಗಳ ಅಧ್ಯಯನಕ್ಕೆ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಮಿಟಿ 9 ಜನರ ತಂಡವೊಂದನ್ನು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ ರಚಿಸಿದ್ದಾರೆ.
ಕೇಂದ್ರ ಅರಣ್ಯ ಹಕ್ಕು ಕಾಯ್ದೆ ಸಮರ್ಪಕ ಅನುಷ್ಠಾನ, ಶರಾವತಿ ಮುಳುಗಡೆ ಸಂತ್ರಸ್ಥರ ಸಮಸ್ಯೆ, ಬಗರ ಹುಕುಂ ಸಾಗುವಳಿದಾರರ ಸಮಸ್ಯೆ ಹಾಗೂ ಅಡಿಕೆ ಬೆಳೆಗೆ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆ ಕುಲಂಕುಷ ಅಧ್ಯಯನ ನಡೆಸಿ, ಅವುಗಳನ್ನ ಪಟ್ಟಿ ಮಾಡಿ, ಅವುಗಳಿಗೆ ಪರಿಹಾರೋಪಾಯಗಳ ಬಗ್ಗೆ ಸೂಕ್ತ ಸಲಹೆಗಳನ್ನು ಒಳಗೊಂಡ ಸಮಗ್ರ ವರದಿಯನ್ನು ಸಲ್ಲಿಸಲು ಅಧ್ಯಯನ ಸಮಿತಿಗೆ ಸೂಚನೆ ನೀಡಲಾಗಿದೆ.
ಅಧ್ಯಯನ ಸಮಿತಿಯಲ್ಲಿ ರಮೇಶ್ ಹೆಗಡೆ, ಶಿವಮೊಗ್ಗ. ರವೀಂದ್ರ ನಾಯಕ್, ಉತ್ತರ ಕನ್ನಡ. ಟಿ.ಎನ್. ಶ್ರೀನಿವಾಸ್, ಸಾಗರ. ಬಿ.ಎಸ್. ಜಯರಾಮ್, ಮೂಡಿಗೆರೆ. ಬಿ.ಆರ್. ಜಯಂತ್, ಸಾಗರ. ಎಂ. ಪಿ. ಧರ್ಮರಾಜ್, ಶಿವಮೊಗ್ಗ. ರಾಮು ವಿರಾಜಪೇಟೆ. ನಟರಾಜ್ ಬಾಳೆಮನೆ. ಕಿಶೋರ್ ಹೆಗಡೆ ಇದ್ದಾರೆ.
ಈ ಸಮಿತಿ 15 ದಿನಗಳ ಒಳಗಾಗಿ ಕುಲಂಕುಶವಾಗಿ ಪರಿಶೀಲನ ನಡೆಸಿ ವರದಿಯನ್ನು ಸಲ್ಲಿಸಬೇಕು ಎಂದು ಡಿಕೆ ಶಿವಕುಮಾರ್ ತಿಳಿಸಿದ್ದಾರೆ
