ಗದಗ: ಜಿಲ್ಲೆಯ ಪೊಲೀಸ್ ಠಾಣೆಗಳ ವ್ಯಾಪ್ತಿಯಲ್ಲಿ 2023 ನೇ ಕೊನೆ ತ್ರೈಮಾಸಿಕದಲ್ಲಿ ಒಟ್ಟು 5 ಪ್ರಕರಣಗಳಲ್ಲಿ 5 ಜನ ಆರೋಪಿತರನ್ನು ದಸ್ತಗೀರ ಮಾಡಿ, ನ್ಯಾಯಾಲಯಕ್ಕೆ ಹಾಜರ ಪಡಿಸಲಾಗಿದೆ.
ಸದರಿ ಆರೋಪಿತರಿಂದ ಸುಮಾರು 8 ಕೆಜಿ 884 ಗ್ರಾಂ ಹಸಿ ಗಾಂಜಾವನ್ನು ಜಪ್ತ ಪಡಿಸಿಕೊಂಡು, ಅದರಲ್ಲಿ ನ್ಯಾಯಾಲಯಕ್ಕೆ ಮಾದರಿ [ಸ್ಯಾಂಪಲ್] ಕುರಿತು ಸುಮಾರು 312 ಗ್ರಾಂ ಗಾಂಜಾವನ್ನು ಒಪ್ಪಿಸಿಸಲಾಯಿತು.
ಇನ್ನುಳಿದ ಸುಮಾರು 8 ಕೆಜಿ 260 ಗ್ರಾಂ ದಷ್ಟು ಗಾಂಜಾವನ್ನು ನ್ಯಾಯಾಲಯದ ಆದೇಶದಂತೆ ದಿನಾಂಕ, 27.10.2023 ರಂದು ಗದಗ ಬೆಟಗೇರಿ ನರಸಾಪೂರದ ಕೈಗಾರಿಕಾ ಪ್ರದೇಶದ ENVIROTECH PVT LTD ಕೈಗಾರಿಕೆಯಲ್ಲಿ, ಮಾನ್ಯ ಪೊಲೀಸ್ ಅಧೀಕ್ಷಕರು ಗದಗ, ಶ್ರೀ ಬಿ.ಎಸ್. ನೇಮಗೌಡ.. ಐಪಿಎಸ್ ರವರ ಸಮ್ಮುಖದಲ್ಲಿ ದಹಿಸಲಾಯಿತು.
ಈ ಸಮಯದಲ್ಲಿ ಗದಗ ಡಿಎಸ್‌ಪಿ ಶ್ರೀ ಎಂ. ಬಿ. ಸಂಕದ, ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಗದಗ ಹಾಗೂ ಇನ್ನಿತರ ಪೊಲೀಸ್ ಅಧಿಕಾರಿಗಳು ಉಪಸ್ಥಿತರಿದ್ದರು.
