ಗದಗ: ಹೃದಯಾಘಾತದಿಂದ ಮೃತಪಟ್ಟ ಪುತ್ರನ ವಿಮೆ ಹಣ ನೀಡಲು ನಿರಾಕರಿಸಿದ ವಿಮೆ ಕಂಪನಿಗೆ 50 ಲಕ್ಷ ರೂ. ವಿಮೆ ಹಣವನ್ನು ಶೇ. 9ರ ಬಡ್ಡಿ ದರದಂತೆ ಪಾವತಿಸಲು ಜಿಲ್ಲಾ ಗ್ರಾಹಕರ ಆಯೋಗ ಆದೇಶ ನೀಡಿದೆ.
ಬೆಟಗೇರಿ ನಿವಾಸಿ ಛಾಯಾ ರವೀಂದ್ರ ಇಂದ್ರೇಕರ್ ಅವರ ಪುತ್ರ ವಿಜಯ 8-11-2020ರಂದು ಪಿ.ಎನ್.ಬಿ. ಮೆಟ್ ಲೈಫ್ ಇಂಡಿಯಾ ಇನ್ಸೂರನ್ಸ್ ಕಂಪನಿಯಲ್ಲಿ 50 ಲಕ್ಷ ರೂ. ವಿಮೆ ತೆಗೆದುಕೊಂಡಿದ್ದರು. 8-5-2021ರಂದು ಹೃದಯಾಘಾತದಿಂದ ಹೃದಯಘಾತದಿಂದ ಆಕಸ್ಮಿಕವಾಗಿ ವಿಜಯ ಮರಣ ಹೊಂದಿದರು. ಮೃತನ ತಾಯಿ ಛಾಯಾ ಅವರು ಮರಣ ಉತಾರ, ಪಾಲಿಸಿಯೊಂದಿಗೆ ವಿಮಾ ಕಂಪನಿಗೆ ಲಿಮೆ ಹಣ ಕೊಡಲು ಕೋರಿದ್ದರು.
ವಿಮಾ ಕಂಪನಿ ಪ್ರತಿನಿಧಿಗಳು ಸ್ಥಳಕ್ಕೆ ಭೇಟಿ ನೀಡಿ ವಿಚಾರಣೆ ಮಾಡಿ ದಾಖಲೆ ಪಡೆದು, ಅಕ್ಕ-ಪಕ್ಕದವರಲ್ಲಿ ವಿಚಾರಿಸಿದಾಗ ವಿಜಯ ಎಂಬ ವ್ಯಕ್ತಿ ಇರುವುದಿಲ್ಲ. ಖೊಟ್ಟಿ ವಿಮೆ ಪಡೆದಿದ್ದಾರೆ ಎಂದು ತಿಳಿಸಿದ್ದರಿಂದ ವಿಮೆ ಕಂಪನಿ ಹಣ ಕೊಡಲು ನಿರಾಕರಿಸಿತ್ತು.
ಈ ಕುರಿತು ಛಾಯಾ ಅವರು ಗ್ರಾಹಕರ ಆಯೋಗಕ್ಕೆ ದೂರು ದೂರು ನೀಡಿದರು. ಆಯೋಗದ ಅಧ್ಯಕ್ಷ ಡಿ.ವೈ. ಬಸಾಪುರ, ಸದಸ್ಯ ರಾಜು ನಾಮದೇವ ಮೇತ್ರಿ ಹಾಗೂ ಮಹಿಳಾ ಸದಸ್ಯೆ ಶ್ರೀಮತಿ ಯಶೋಧಾ ಭಾಸ್ಕರ ಪಾಟೀಲ ಅವರನ್ನು ಒಳಗೊಂಡ ಪೀಠ, ಮೃತ ವಿಜಯನ ಆಧಾರ ಕಾರ್ಡ್, ಚುನಾವಣಾ ಗುರುತಿನ ಚೀಟಿ, ಬ್ಯಾಂಕ್ ಪಾಸ್ ಬುಕ್ ಹಾಗೂ ಆದಾಯ ಕರ ತುಂಬಿದ ಬಗ್ಗೆ ದಾಖಲೆಗಳನ್ನು ಪರಿಶೀಲಿಸಿತು.
ಕಂಪನಿ ವಿಮೆ ಪರಿಹಾರ ಕೊಡಲು ನಿರಾಕರಿಸಿ ಸೇವಾ ನ್ಯೂನ್ಯತೆ ಎಸಗಿದ್ದು, ಸಾಬೀತಾಗಿದ ಹಿನ್ನೆಲೆಯಲ್ಲಿ ಮೃತನ ತಾಯಿ ಛಾಯಾ ಇಂದ್ರೇಕರ್ ಅವರಿಗೆ ವಿಮಾ ಕಂಪನಿ 50 ಲಕ್ಷ ರೂಪಾಯಿ ಪರಿಹಾರವನ್ನು ಶೇ. 9ರ ಬಡ್ಡಿ ದರದಂತೆ ಪಾವತಿಸಲು ಆದೇಶ ನೀಡಿದೆ.
ಅಲ್ಲದೇ ದೂರುದಾರರು ಆಯೋಗಕ್ಕೆ ಅಲೆದಾಡಿ ಮಾನಸಿಕ ಹಿಂಸೆ ಅನುಭವಿಸಿದ್ದರಿಂದ ಹೆಚ್ಚುವರಿಯಾಗಿ 30,000 ರೂ. ಹಾಗೂ ಪ್ರಕರಣದ ಖರ್ಚು ವೆಚ್ಚಗಳಿಗೆ 15,000 ರೂ. ಪರಿಹಾರ ಕೊಡುವಂತೆ ಆದೇಶ ನೀಡಿದೆ.
