ಬೆಂಗಳೂರು: ರಾಜಧಾನಿ ಬೆಂಗಳೂರಿನಲ್ಲಿ ಅಮಾನವೀಯ ಘಟನೆ ನಡೆದಿದೆ. ಹಿಟ್ ಆ್ಯಂಡ್ ರನ್ ಮಾಡಿದ ಬೈಕ್ ಸವಾರ ಅಮಾನವೀಯವಾಗಿ ವರ್ತಿಸಿದ್ದಾನೆ.
ಬೊಲೆರೊ ವಾಹನಕ್ಕೆ ಬೈಕ್ ಸವಾರ ಗುದ್ದಿ, ನಿಲ್ಲದೇ ಹೊರಟಿದ್ದಾನೆ. ಆಗ ಬೊಲೆರೊ ವಾಹನ ಚಾಲಕ ಬೈಕ್ ಹಿಡಿದುಕೊಂಡಿದ್ದಾನೆ. ಆದರೂ ಬೈಕ್ ಸವಾರ ಬೊಲೆರೊ ವಾಹನ ಚಾಲಕನನ್ನು ಎಳೆದುಕೊಂಡು ಹೋಗಿದ್ದಾನೆ.
ಬೆಂಗಳೂರಿನ ವಿಜಯನಗರದ ಹೊಸಹಳ್ಳಿ ಬಳಿ ಈ ಘಟನೆ ನಡೆದಿದೆ. ವಾಹನ ಚಾಲಕ ವಿಜಯಪುರ ಮೂಲದ ಮುತ್ತಪ್ಪ(54) ಕಾಲು ಮತ್ತು ದೇಹಕ್ಕೆ ಪೆಟ್ಟಾಗಿದೆ.
ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ ಗೋವಿಂದರಾಜ ನಗರ ಪೋಲೀಸರು, ಬೈಕ್ ಚಾಲಕ ಸಾಹೀಲ್ ನನ್ನು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ. ಘಟನೆ ಕುರಿತು ಮಾಹಿತಿ ಕಲೆ ಹಾಕುತ್ತಿದ್ದಾರೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
