ದೆಹಲಿ: ಬುಧವಾರ ನಡೆದ ದೆಹಲಿ ‌ಮಹಾನಗರ ಪಾಲಿಕೆ ಮೇಯರ್ ಚುನಾವಣೆಯಲ್ಲಿ ಆಪ್ ಪಕ್ಷದ ಶೆಲ್ಲಿ ಒಬೆರಾಯ್ ಆಯ್ಕೆ ಆಗಿದ್ದಾರೆ.

ಒಟ್ಟು 266 ಮತಗಳ ಪೈಕಿ ಆಮ್ ಆದ್ಮಿ ಪಕ್ಷದ ಅಭ್ಯರ್ಥಿ ಶೆಲ್ಲಿ ಒಬೆರಾಯ್ 150 ಮತಗಳನ್ನು ಪಡೆದು ಮೇಯರ್ ಆಗಿ ಆಯ್ಕೆ ಆಗಿದ್ದಾರೆ. ಬಿಜೆಪಿಯ ರೇಖಾ ಗುಪ್ತಾ 116 ಮತಗಳನ್ನು ‌ಪಡೆದು ಸೋಲಪ್ಪಿಕೊಂಡಿದ್ದಾರೆ.

ನಾಮ ನಿರ್ದೇಶಿತ ಮತದಾನ ಹಕ್ಕು ನೀಡುವ ವಿವಾದದ ಬಳಿಕ ಸುಪ್ರೀಂ ಕೋರ್ಟ್ ನಾಮ ನಿರ್ದೇಶನಗೊಂಡವರಿಗೆ ಮತದಾನ ಹಕ್ಕಿರುವುದಿಲ್ಲ ಎಂದು ಆದೇಶಿಸಿತ್ತು.

ಅಲ್ಲದೆ ನಿಗದಿತ ಅವಧಿಯೊಳಗೆ ಚುನಾವಣೆ ನಡೆಸುವಂತೆ ಸೂಚಿಸಿತ್ತು. ದೆಹಲಿ ಮಹಾನಗರ ಪಾಲಿಕೆ ಚುನಾವಣೆಯಲ್ಲಿ ಬಹುಮತ ಪಡೆದುಕೊಂಡಿದ್ದ ಆಪ್ ಮೇಯರ್ ಹಾಗೂ ಉಪ್ ಮೇಯರ್ ಸ್ಥಾನ ಪಡೆದುಕೊಂಡಿದೆ.