ಅಂಕಾರಾ : ಟರ್ಕಿ ಹಾಗೂ ಸಿರಿಯಾದಲ್ಲಿ ಭೀಕರ ಭೂಕಂಪಕ್ಕೆ ಜವರಾಯ ನರ್ತನವಾಡುತ್ತಿದ್ದು, ಸಾವಿನ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ.
ಈಗಾಗಲೇ ಭೂಕಂಪಕ್ಕೆ ಸಿಲುಕಿ ಸಾವನ್ನಪ್ಪಿದವರ ಸಂಖ್ಯೆ 23 ಸಾವಿರದ ಗಡಿ ದಾಟಿದೆ. ಆದರೆ 17 ವರ್ಷದ ಯುವಕನೊಬ್ಬ ಸಾವನ್ನು ಸೋಲಿಸಿ ಬದುಕಿ ಬಂದಿದ್ದಾನೆ.
ಗಾಜಿಯಾಂಟೆಪ್ ಪ್ರಾಂತ್ಯದ ಸಹಿತಕಾಮಿಲ್ ಜಿಲ್ಲೆಯ ನಿವಾಸಿ ಅದ್ನಾನ್ ಮುಹಮ್ಮದ್ ಕೊರ್ಕುಟ್ ರನ್ನು 94 ಗಂಟೆಗಳ ನಂತರ ಸುರಕ್ಷಿತವಾಗಿ ಅವಶೇಷಗಳಿಂದ ಹೊರ ತೆಗೆಯಲಾಗಿದೆ.
ವಿಡಿಯೋದಲ್ಲಿ ಅದ್ನಾನ್ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ. ನಾನು ಜೀವಂತವಾಗಿರಲು ನನ್ನ ಮೂತ್ರವನ್ನು ಕುಡಿಯಬೇಕಾಗಿತ್ತು. ದೇವರ ದಯೆಯಿಂದ ನಾನು ಬದುಕುಳಿದೆ. ರಕ್ಷಣಾ ಸಿಬ್ಬಂದಿ ಬರುತ್ತಾರೆ ಎಂಬ ನಂಬಿಕೆ ನನಗಿತ್ತು. ಅದರಂತೆ ಕಾಯುತ್ತಿದ್ದೆ. ನಂಬಿಕೆ ಹುಸಿಯಾಯಿತು ಎಂದು ಹೇಳಿದ್ದಾನೆ.
ಟರ್ಕಿ ಮತ್ತು ಸಿರಿಯಾದಲ್ಲಿ ಸಂಭವಿಸಿದ ಭೂಕಂಪಗಳ ಕಾರಣ, ಇಲ್ಲಿನ ಚಿತ್ರಣವು ತುಂಬಾ ಭೀಕರವಾಗಿದೆ. 24,000ಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದಾರೆ.
ಲಕ್ಷಾಂತರ ಜನರು ಗಾಯಗೊಂಡಿದ್ದಾರೆ. ಕೆಲವರು ಇನ್ನೂ ಅವಶೇಷಗಳ ಅಡಿಯಲ್ಲಿ ಹೂತು ಹೋಗಿದ್ದಾರೆ. ಅವರು ಬದುಕುಳಿಯುವ ಸಾಧ್ಯತೆ ಕೂಡ ಕಡಿಮೆ ಇದೆ ಎನ್ನಲಾಗುತ್ತಿದೆ.
