ಬಾಗಲಕೋಟೆ: ಹಸುಗಳು ಒಂದು ಕರಿವಿಗೆ ಜನ್ಮ ನೀಡುವುದು ಸಾಮಾನ್ಯ. ಅಪರೂಪಕ್ಕೊಂದಂತೆ ಅವಳಿ ಕರುಗಳಿಗೆ ಜನ್ಮ್ ನೀಡುತ್ತವೆ. ಆದರೆ, ಬಾಗಲಕೋಟೆ ಜಿಲ್ಲೆಯಲ್ಲಿ ಹಸು, ಏಕಕಾಲಕ್ಕೆ ನಾಲ್ಕು ಕರುಗಳಿಗೆ ಜನ್ಮ ನೀಡಿದೆ.
ಬಾಗಲಕೋಟೆ ಜಿಲ್ಲೆಯ ರಬಕವಿ-ಬನಹಟ್ಟಿ ತಾಲೂಕಿನ ಆಸಂಗಿ ಗ್ರಾಮದ ರೈತ ರವೀಂದ್ರ ಬಾಳಪ್ಪ ಶಿರಹಟ್ಟಿ ಅವರ ಹಸು ನಾಲ್ಕು ಕರುಗಳಿಗೆ ಜನ್ಮ ನೀಡಿದೆ. ಅದರಲ್ಲಿ ಎರಡು ಹೆಣ್ಣು ಎರಡು ಗಂಡು ಕರುಗಳಿವೆ.
ನಾಲ್ಕು ಕರು ಹಾಕಿದ ಸುದ್ದಿ ತಿಳಿದ ಜನ ನೋಡಲು ಆಗಮಿಸುತ್ತಿದ್ದಾರೆ. ಹಸುವಿಗೆ ಇದು ಮೊದಲ ಹೆರಿಗೆ. ಹಸು ಹಾಗೂ ಕರುಗಳ ಆರೋಗ್ಯವಾಗಿದ್ದು, ರೈತ ಕುಟುಂಬದಲ್ಲಿ ಸಂತಸ ಇಮ್ಮಡಿಗೊಂಡಿದೆ.
