ವಿಜಯಪುರ: ಮುರಗೇಶ್ ನಿರಾಣಿ ಅವರಪ್ಪನಿಗೆ ಹುಟ್ಟಿದರೆ ಸಿಡಿ ಬಿಡುಗಡೆ ಮಾಡಲಿ. ಯಾರ ಯಾರದೋ ಸಿಡಿ ಇಟ್ಟುಕೊಂಡು ಬ್ಲಾಕ್ ಮೇಲ್ ಮಾಡಿ ಮಂತ್ರಿ ಆಗುತ್ತಾರೆ ಎಂದು ವಿಜಯಪುರ ಶಾಸಕ ಬಸನಗೌಡ್ ಪಾಟೀಲ್, ನಿರಾಣಿ ವಿರುದ್ಧ ಕಿಡಿಕಾರಿದ್ದಾರೆ.
ಪಂಚಮಸಾಲಿ ಸಮುದಾಯಕ್ಕೆ 2 ಎ ಮೀಸಲಾತಿ ವಿಳಂಬದ ಹಿನ್ನಲೆಯಲ್ಲಿ ನಿರಾಣಿ ಹಾಗೂ ಯತ್ನಳ್ ಮಧ್ಯ ಮಾತಿನ ಚಕಮಕಿ ಏರ್ಪಟ್ಟಿದೆ.
ಸಚಿವ ನಿರಾಣಿ ಸಿಡಿ ಬಿಡುಗಡೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾರೆ. ಜನರಿಗೆ ಎಲ್ಲವೂ ತಿಳಿದಿದೆ. ನಾನು ಅಂತಹ ವ್ಯಕ್ತಿ ಅಲ್ಲ. ಯಾರು ಒಳ್ಳೆಯವರು, ಯಾರು ಕೆಟ್ಟವರು, ಸಮುದಾಯದ ಹೆಸರಿನಲ್ಲಿ ಯಾರು ಲಾಭ ತೆಗೆದುಕೊಂಡಿದ್ದಾರೆ ಎಲ್ಲವೂ ಗೊತ್ತಿದೆ.
ನನ್ನನ್ನು ಸೋಲಿಸಲು ಸತೀಶ್ ಜಾರಕಿಹೊಳಿ, ಮುರಗೇಶ್ ನಿರಾಣಿ, ಬಿ ವೈ ವಿಜಯೇಂದ್ರ ದುಡ್ಡು ಕಳಿಸಿದ್ದಾರೆ. ವಿಜಯಪುರ ಜನ ಅವರಿಂದ ದುಡ್ಡು ಪಡೆದು, ನನಗೆ ಮತ ನೀಡಿ ಗೆಲ್ಲಿಸಲಿದ್ದಾರೆ ಎಂದರು.
