ಯಾದಗಿರಿ: ಅಪಘಾತದಲ್ಲಿ ಮಗನ ಸಾವಿನ‌ವಿಷಯ ತಿಳಿದು ತಂದೆ ಆತ್ಮಹತ್ಯೆಗೆ ಶರಣಾದ ಘಟನೆ ಜಿಲ್ಲೆಯ ಮುದ್ರಕಿ ಗ್ರಾಮದಲ್ಲಿ ನಡೆದಿದೆ.
ಶುಕ್ರವಾರ ರಾತ್ರಿ ಜಿಲ್ಲೆಯ ಶಹಾಪುರದಿಂದ ಮುದ್ರಕಿ ಕಡೆಗೆ ಹೊರಟಿದ್ದ 24 ವರ್ಷದ ಶಿವಕುಮಾರ ಸಮ್ಮಣಿ ಎನ್ನುವ ಯುವಕ, ಕಬ್ಬು ತುಂಬಿದ ಟ್ರ್ಯಾಕ್ಟರ್‌ಗೆ ಡಿಕ್ಕಿ ಹೊಡೆದು ಸ್ಥಳದಲ್ಲೆ ಮೃತಪಟ್ಡಿದ್ದಾನೆ.
ಈ ವಿಷಯ ತಿಳಿದ ತಂದೆ ಬಸವರಾಜ (52) ಶನಿವಾರ ಬೆಳಗಿನ ಜಾವ ಗ್ರಾಮದ ಬಾವಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಅಪಘಾತ ಕುರಿತಂತೆ ಭಿನರಾಯನ ಗುಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
