ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಮಂಗಳವಾರ ಬೆಳಿಗ್ಗೆ ನೋಟಿನ ಮಳೆ ಸುರಿದಿದೆ. ಹಣ ಆರಿಸಿಕೊಳ್ಳಲು ಜನ ಮುಗಿಬಿದ್ದಿರುವ ಘಟನೆ ಕೆ ಆರ್ ಮಾರ್ಕೆಟ್ ಫ್ಲೈ ಓವರ್ ಬಳಿ ನಡೆದಿದೆ.
ಓರ್ವ ವ್ಯಕ್ತಿ ಕೆ ಆರ್ ಮಾರ್ಕೆಟ್ ಫ್ಲೈ ಓವರ್ ಮೇಲಿಂದ ಹಣದ ಮಳೆ ಸುರಿಸಿದ್ದು, ಹತ್ತು ರೂಪಾಯಿ ನೋಟುಗಳನ್ನು ಎಸೆದಿದ್ದಾನೆ. ವ್ಯಕ್ತಿಯು ಸೂಟ್ ಧರಿಸಿ, ಸ್ಕೂಟಿ ಮೇಲೆ ಬಂದಿದ್ದಾನೆ. ಬ್ಯಾಗ್ ನಲ್ಲಿದ್ದ ಹಣ ಹಣ ಎಸೆದು ಅಲ್ಲಿಂದ ಪರಾರಿಯಾಗಿದ್ದಾನೆ.
ಹಣದ ಮಳೆ ಸುರಿಸಿದ ವ್ಯಕ್ತಿಗೆ ಪೊಲೀಸರ ಹುಡುಕಾಟ ನಡೆಸಿದ್ದಾರೆ. ಹಣ ಎಸೆದು ಹೋದ ವ್ಯಕ್ತಿ ಬೆಂಗಳೂರಿನ ನಿವಾಸಿ ಅರುಣ್ ಎಂದು ತಿಳಿದು ಬಂದಿದೆ.
ಅರುಣ್ ವೃತ್ತಿಯಲ್ಲಿ ಕಬಡ್ಡಿ ಆಟಗಾರ ಹಾಗೂ ಇವೆಂಟ್ ಮ್ಯಾನೇಜರ್. ಈ ರೀತಿ ಏಕೆ ಹಣ ಎಸೆದು ಹೋಗಿದ್ದಾರೆ ಎಂಬ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.
ಬ್ಯಾಗ್ನಲ್ಲಿ ಹಣ ತಂದಿದ್ದ ಅರುಣ್, ಫ್ಲೈ ಓವರ್ ಮೇಲಿಂದ ಜನರು ಇರುವ ಕಡೆ ಹಣ ಎಸೆದು ಸ್ಥಳದಿಂದ ತೆರಳಿದ್ದರು. ಹಣ ಎಸೆದು ವ್ಯಕ್ತಿ ಸ್ಕೂಟಿ ಮೇಲೆ ತೆರಳಿದ್ದರು.
