ರಾಯ್ ಪುರ್: ಭಾರತೀಯ ಬೌಲರ್ ಗಳ ದಾಳಿಗೆ ಕಿವೀಸ್ ತತ್ತರಿಸಿ ಹೋಗಿದೆ. ದ್ವೀತಿಯ ಏಕದಿನ ಪಂದ್ಯದಲ್ಲಿ ಭಾರತ 8 ವಿಕೆಟ್ ಗಳ ಭರ್ಜರಿ ಗೆಲುವು ಸಾಧಿಸಿದೆ. ಒಂದು ಪಂದ್ಯ ಬಾಕಿಯಿರುವಂತೆ ಭಾರತ ಸರಣಿ ಜಯಿಸಿದೆ.
ಭಾರತ ತಂಡ ಟಾಸ್ ಗೆದ್ದು ಕ್ಷೇತ್ರ ರಕ್ಷಣೆ ಆಯ್ಕೆ ಮಾಡಿಕೊಂಡಿತ್ತು. ಭಾರತೀಯ ಬೌಲರ್ ಗಳು ನಾಯಕನ ಲೆಕ್ಕಾಚಾರ ಉಲ್ಟಾ ಮಾಡಲಿಲ್ಲ. ಬ್ಯಾಟಿಂಗ್ ಆರಂಭಿಸಿದ ನ್ಯೂಜಿಲ್ಯಾಂಡ್ ಆರಂಭಿಕ ಆಘಾತ ಕಂಡಿತು. ಕಿವೀಸ್ 34.3 ಓವರ್ ಗಳಲ್ಲಿ 108 ರನ್ ಗಳಿಗೆ ಸರ್ವ ಪತನ ಕಂಡಿತು. ಕಿವೀಸ್ ಪರ ಗ್ಲೆನ್ ಪಿಲಿಫ್ಸ್ 36, ಮಿಚೆಲ್ ಬ್ರಾಸ್ ವೆಲ್ 22, ಮಿಚೆಲ್ ಸ್ಯಾಂಟ್ನರ್ 27 ರನ್ ಗಳಿಸಿದರು.
ರೋಹಿತ್ ಶರ್ಮಾ(51) ಹಾಗೂ ಶುಭಮನ್ ಗಿಲ್(40*) ಅವರ ಜೊತೆಯಾಟದಿಂದ ಗೆಲುವಿನ ನಗೆ ಬೀರಿತು. ಭಾರತ 20.1 ಓವರ್ ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 111 ರನ್ ಕಲೆ ಹಾಕಿದೆ.
