ರಾಮನಗರ: ಕರ್ತವ್ಯ ನಿರತ ಸರ್ಕಲ್ ಇನ್ಸಪೆಕ್ಟರ್ ಮೇಲೆ ಹಲ್ಲೆ ನಡೆಸಿದ ಆರೋಪಕ್ಕೆ ಸಂಬಂಧಿಸಿದಂತೆ ಮಾಜಿ ಕಾರ್ಪೊರೇಟರ್‌ನನ್ನು ಕಗ್ಗಲಿಪುರ ಪೊಲೀಸರು ಬಂಧಿಸಿದ್ದಾರೆ.

ಯಲಚೇನಹಳ್ಳಿಯ ವಾರ್ಡ್ ನಂ. 185ರ ಮಾಜಿ ಕಾರ್ಪೋರೆಟರ್ ವಿ. ಬಾಲಕೃಷ್ಣ ಬಂಧಿತ ಆರೋಪಿ. ಬಾಲಕೃಷ್ಣ ಜಮೀನಿನ ವಾಜ್ಯದ ಕುರಿತು ಮಾತನಾಡಲು ಗುರುವಾರ ಸಂಜೆ ಕಗ್ಗಲಿಪುರ ಪೊಲೀಸ್ ಠಾಣೆಗೆ ಬಂದಿದ್ದ.

ಈ ವೇಳೆ ಸಿಪಿಐ ವಿಜಯಕುಮಾರ ಜೊತೆ ಮಾತಿನ ಚಕಮಕಿ ಆರಂಭವಾಗಿದೆ. ಆಕ್ರೋಶಗೊಂಡ ಬಾಲಕೃಷ್ಣ, ಸಿಪಿಐ ವಿಜಯಕುಮಾರ ಅವರ ಕತ್ತಿನ ಪಟ್ಟಿ ಹಿಡಿದು ಹಲ್ಲೆ ನಡೆಸಿದ್ದಾರೆ.

ಈ ಹಿನ್ನೆಲೆಯಲ್ಲಿ ಕರ್ತವ್ಯ ನಿರತ ಸರಕಾರಿ ಅಧಿಕಾರಿ ಮೇಲೆ ಹಲ್ಲೆ, ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪದಡಿ ಪ್ರಕರಣ ದಾಖಲಿಸಿಕೊಂಡು, ಆರೋಪಿಯನ್ನು ಬಂಧಿಸಿದ್ದಾರೆ.