ವಿಜಯಪುರ: ಸಂಸದ ರಮೇಶ ಜಿಗಜಿಗಣಿ ಮಾಜಿ ಕಾರು ಚಾಲಕನ ಹತ್ಯೆ ಬುಧವಾರ ತಡರಾತ್ರಿ ನಡೆದಿದೆ. ಮಲ್ಲಿಕಾರ್ಜುನ(43) ವಿಜಯಪುರ ನಗರದ ಜಾಡರ ಓಣಿ ನಿವಾಸಿ ಹತ್ಯೆಗಿಡಾದ ದುರ್ದೈವಿ. ಆಲುಕುಂಟೆ ನಗರದಲ್ಲಿ ತಲೆ ಮೇಲೆ ಕಲ್ಲು ಎತ್ತಾಕಿ ಹತ್ಯೆ ಮಾಡಿದ್ದಾರೆ.
ಮೂರು ವರ್ಷಗಳ ಹಿಂದೆ ಸಂಸದರ ಕಾರು ಓಡಿಸುವುದುನ್ನು ಬಿಟ್ಟು, ಸ್ವತಃ ಆಟೋ ಖರೀದಿಸಿದ. ಕೆಲವು ದಿನಗಳಿಂದ ಆಟೋ ಓಡಿಸುವುದನ್ನು ಬಿಟ್ಟು ಖಾಲಿ ಸುತ್ತಾಡುತ್ತಿದ್ದ.
ಬುಧವಾರ ರಾತ್ರಿ ಅವರ ಅಕ್ಕ ಶಾಂತವ್ವಳ್ಳನ್ನು ಮನೆಗೆ ಬೀಡಲು ಹೋಗಿದ್ದ. ಅವರನ್ನು ಬಿಟ್ಟು ವಾಪಸ್ ತೆರಳುವಾಗ ಹತ್ಯೆ ಮಾಡಲಾಗಿದೆ. ಹತ್ಯೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಹಣಕಾಸಿನ ವ್ಯವಹಾರವೇ ಹತ್ಯೆಗೆ ಕಾರಣ ಎನ್ನಲಾಗಿದೆ.
ಘಟನಾ ಸ್ಥಳಕ್ಕೆ ಎಸ್ ಪಿ ಶಂಕರ ಮಾರಿಹಾಳ ಹಾಗೂ ಆದರ್ಶ ನಗರ ಎಸ್ಐ ಯತೀಶ್, ಶ್ವಾನದಳದೊಂದಿಗೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.
