ಲಂಕಾಗೆ ವೈಟ್ ವಾಶ್ ಮುಖಭಂಗ: ಭಾರತಕ್ಕೆ ದಾಖಲೆಯ ಜಯ

ತಿರುವನಂತಪುರಂ: ಆತಿಥೇಯ ಶ್ರೀಲಂಕಾ ವಿರುದ್ಧ ಭಾರತ 317 ರನ್ ಗಳ ಅಭೂತಪೂರ್ವ ಗೆಲುವು ಸಾಧಿಸಿದೆ. ಈ ಮೂಲಕ ಅತಿ ಹೆಚ್ಚು ರನ್ ನಿಂದ ಗೆಲುವು ಸಾಧಿಸಿದ ಹೆಗ್ಗಳಿಕೆ ಭಾರತ ತಂಡದಾಗಿದೆ.

ಟಾಸ್ ಗೆದ್ದ ಭಾರತ ಬ್ಯಾಟಿಂಗ್ ಆಯ್ದುಕೊಂಡಿತ್ತು. ಆರಂಬಿಕ ಶುಭಮನ್ ಗಿಲ್(116), ಹಾಗೂ ವಿರಾಟ್ ಕೊಹ್ಲಿ(166*) ಶತಕದ ನೆರವಿನಿಂದ ಭಾರತ ನಿಗದಿತ 50 ಓವರ್ ಗಳಲ್ಲಿ 390 ರನ್ ಕಲೆ ಹಾಕಿದೆ. ಭಾರತ 3-0 ಮೂಲಕ ಸರಣಿ ವಶಪಡಿಸಿಕೊಂಡಿದೆ.

ಟಾರ್ಗೆಟ್ ಬೆನ್ನತ್ತಿದ್ದ ಶ್ರೀಲಂಕಾ 22 ಓವರ್ ಗಳಲ್ಲಿ 73 ರನ್ ಗಳಿಗೆ ಸರ್ವ ಪತನ ಕಂಡಿದೆ. ಭಾರತದ ಪರ ಮೊಹಮ್ಮದ್ ಸಿರಾಜ್ 4, ಮೊಹಮ್ಮದ್ ಶಮಿ ಹಾಗೂ ಕುಲದೀಪ್ ಯಾದವ್ ತಲಾ 2 ವಿಕೆಟ್ ಕಬಳಿಸಿದರು.

ವಿರಾಟ್ ಕೊಹ್ಲಿ ಒಂದೇ ತಂಡದ ವಿರುದ್ಧ 10 ಶತಕ ದಾಖಲಿಸುವುದರ ಮೂಲಕ ದಾಖಲೆ ಬರೆದಿದ್ದಾರೆ. ಒಂದೇ ಎದುರಾಳಿ ತಂಡದ ವಿರುದ್ಧ 10 ಶತಕ ದಾಖಲಿಸಿದ ಏಕೈಕ ಆಟಗಾರ ಕೊಹ್ಲಿ. ಏಕದಿನ ಪಂದ್ಯದಲ್ಲಿ ಅತಿ ಹೆಚ್ಚು ರನ್(12,651) ಗಳಿಸಿದ 5ನೇ ಆಟಗಾರರಾಗಿ ಹೊರಹೊಮ್ಮಿದರು.

ನಾಯಕ ರೋಹಿತ್ ಶರ್ಮಾ ತವರಿನಲ್ಲಿ ನಡೆದ ಪಂದ್ಯದಲ್ಲಿ ಅತಿ ಹೆಚ್ಚು ಸಿಕ್ಸ್ ಬಾರಿಸಿದ ದಾಖಲೆ ಸರಿಗಟ್ಟಿದ್ದಾರೆ. ಈ ಹಿಂದೆ ಮಾಜಿ ನಾಯಕ ಮಹೇಂದ್ರ ಸಿಂಗ ಧೋನಿ 123 ಸಿಕ್ಸ್ ಬಾರಿಸಿದರು. ರೋಹಿತ್ ಕೂಡ 123 ಸಿಕ್ಸ್ ದಾಖಲಿಸುವ ಮೂಲಕ ದಾಖಲೆ ಸಮಗಟ್ಟಿದ್ದಾರೆ.