ಬಾಗಲಕೋಟೆ: ನಡೆದಾಡಿದ ದೇವರು ವಿಜಯಪುರ ಜ್ಞಾನ ಯೋಗಾಶ್ರಮದ ಸಿದ್ದೇಶ್ವರ ಶ್ರೀಗಳ ಚಿತಾಭಸ್ಮವನ್ನು ಇಂದು ಕೂಡಲಸಂಗಮದಲ್ಲಿ ವಿಸರ್ಜನೆ ಮಾಡಲಾಯಿತು.ಅಲ್ಲಿಂದ ಗೋಕರ್ಣದ ಕಡೆಗೆ ಪ್ರಯಾಣ ಬೆಳಸಿತು.
ಜ್ಞಾನ ಯೋಗಾಶ್ರಮದ ಬಸವಲಿಂಗ ಶ್ರೀಗಳ ನೇತೃತ್ವದಲ್ಲಿ ಚಿತಾಭಸ್ಮ ವಿಸರ್ಜನೆ ನಡೆಯಿತು. ಸಾವಿರಾರು ಭಕ್ತರು ಸಮ್ಮುಖದಲ್ಲಿ ಕೂಡಲಸಂಗಮದ ಪುಣ್ಯ ಕ್ಷೇತ್ರದಲ್ಲಿ ಚಿತಾಭಸ್ಮ ವಿಸರ್ಜನೆ ನಡೆಯಿತು.
ಅಲಂಕೃತ ವಿಶೇಷ ಬೋಟ್ ನಲ್ಲಿ ಬಸವಲಿಂಗ ಶ್ರೀಗಳು ಚಿತಾಭಸ್ಮ ವಿಸರ್ಜಿಸಿದರು. ನೆರೆದಿದ್ದ ಸಾವಿರಾರು ಭಕ್ತರು ‘ ಓಂ ನಮ: ಶಿವಾಯ’, ಸಿದ್ದೇಶ್ವರ ಶ್ರೀಗಳಿಗೆ ಜಯವಾಗಲಿ’ ಎಂಬ ಘೋಷಣೆ ಮೊಳಗಿಸಿದರು.
