ಮುಂಬೈ: ಇಂದು ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಜನ್ಮದಿನ. ಅವರ ಜನ್ಮ ದಿನವನ್ನು ‘ಸುಶಾಸನ ದಿನ'(ಅಟಲ್ ದಿವಸ್) ಎಂದು ಆಚರಣೆ ಮಾಡಲಾಗಿದೆ. ವಾಜಪೇಯಿ ಜನ್ಮ ದಿನದ ನಿಮಿತ್ತವಾಗಿ ‘ಮೆ ಅಟಲ್ ಹೂ’ ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಲಾಗಿದೆ.
ಅಟಲ್ ಬಿಹಾರಿ ವಾಜಪೇಯಿ ಜೀವನಗಾಥೆಯನ್ನು ಹೊಂದಿರುವ ಚಿತ್ರದಲ್ಲಿ ನಟ ಪಂಕಜ್ ತ್ರಿಪಾಠಿ ಅಭಿನಯಿಸುತ್ತಿದ್ದಾರೆ. ಕವಿ, ರಾಜನೀತಿಜ್ಞ ಆಗಿದ್ದ ವಾಜಪೇಯಿ ಅವರ ಬದುಕು ಹಾಗೂ ರಾಜಕೀಯ ಜೀವನದ ಹಾದಿಯನ್ನು ಬಣ್ಣದ ಲೋಕದಲ್ಲಿ ತೋರಿಸುವ ಸಿನಿಮಾ.
ಚಿತ್ರಕ್ಕೆ ರವಿ ಜಾಧವ ನಿರ್ದೇಶನವಿದ್ದು, ಉತ್ಕರ್ಷ್ ನೈತಾನಿ ಕಥೆ ಬರೆದಿದ್ದಾರೆ. 2023 ರ ಡಿಸೆಂಬರ್‌ ನಲ್ಲಿ ಸಿನಿಮಾ ತೆರೆಗೆ ಬರಲಿದೆ.
