ಬೆಂಗಳೂರು: ಹೊಸ ಪಕ್ಷ ಘೋಷಿಸಿರುವ ಜನಾರ್ಧನ್ ರೆಡ್ಡಿ, ಮುಂಬರುವ ಚುನಾವಣೆಯಲ್ಲಿ ಗಂಗಾವತಿ ಕ್ಷೇತ್ರದಿಂದ ಸ್ಪರ್ಧಿಸಿವುದಾಗಿ ಹೇಳಿದ್ದಾರೆ.
ಗಂಗಾವತಿ ಕ್ಷೇತ್ರದಲ್ಲಿ ಮನೆಯನ್ನು ಮಾಡಿದ್ದೇನೆ. ವೋಟರ್ ಲಿಸ್ಟ್ ನಲ್ಲಿ ಹೆಸರು ಸೇರ್ಪಡೆಯಾಗಿದೆ. ಗಂಗಾವತಿ ಯಿಂದ ಸ್ಪರ್ಧೆ ಖಚಿತ ಎಂದರು.
15 ದಿನಗಳಲ್ಲಿ ಪಕ್ಷದ ಚಿಹ್ನೆ ಹಾಗೂ ಅದರ ಪೂರಕ ವಿಚಾರಗಳನ್ನು ಘೋಸಿಸಲಾಗುವುದು. ಹೊಸ ಪಕ್ಷ ಸ್ಥಾಪಿಸಿದಾಗ, ಸವಾಲುಗಳನ್ನು ಗಮನದಲ್ಲಿಟ್ಟುಕೊಂಡು ಬಿಜೆಪಿ ತ್ಯಜಿಸುತ್ತಿದ್ದೇನೆ. ಮುಂದೆ ನನಗೆ ತೊಂದರೆ ಕೊಟ್ಟರು ಎದುರಿಸಲು ಸಿದ್ದ ಎಂದು ತಿಳಿಸಿದರು.
ನನ್ನ ರಾಜಕೀಯ ಜೀವನಕ್ಕೆ ನಾಂದಿ ಹಾಡಲು, ಸೆಪ್ಟೆಂಬರ್ ತಿಂಗಳಿನಲ್ಲಿ ಸಿಬಿಐ ಒಂದು ಅರ್ಜಿ ಹಾಕಿದೆ. ಬಳ್ಳಾರಿಯಲ್ಲಿ ನಾನು ಇರಬಾರದು. ಸಾಕ್ಷಿಗಳಿಗೆ ಹಾಗೂ ವಿಚಾರಣೆಗೆ ತೊಂದರೆ ಆಗಬಾರದು ಎಂದು ಅರ್ಜಿ ಹಾಕಿದರು. ನನ್ನನ್ನು ನಾಲ್ಕು ವರ್ಷಗಳ ಕಾಲ ಜೈಲಿನಲ್ಲಿ ಇಟ್ಟರು. ತನಿಖೆಯನ್ನು ಬೇಗ ಮುಗಿಸಿ ಎಂದು ಮನವಿ ಮಾಡಿಕೊಂಡರು ನ್ಯಾಯಾಲಯ ಸಮ್ಮತಿ ನೀಡಿಲ್ಲ ಎಂದರು.
