ಗದಗ: ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರ ಜನ್ಮದಿನಾಚರಣೆ ನಿಮಿತ್ತ ಗದಗದಲ್ಲಿ ಭಾನುವಾರ ಅಟಲ್ ಯಾತ್ರೆ ಹಮ್ಮಿಕೊಳ್ಳಲಾಗಿತ್ತು.
ಗದಗ ಜಿಲ್ಲಾ ವಾಣಿಜ್ಯೋದ್ಯಮ ಸಂಸ್ಥೆ ಕೋಶಾಧ್ಯಕ್ಷ, ಮುಂಡರಗಿ ಪುರಸಭೆ ಸದಸ್ಯ ಹಾಗೂ ಗದಗ ಮತಕ್ಷೇತ್ರದ ಬಿಜೆಪಿ ಸೇವಾಕಾಂಕ್ಷಿ ನಾಗೇಶ ಹುಬ್ಬಳ್ಳಿ ಅಟಲ್ ಯಾತ್ರೆ ಆಯೋಜಿಸಿದ್ದರು.
ಭಾನುವಾರ ತೋಂಟದಾರ್ಯ ಮಠದ ಆವರಣದಲ್ಲಿ ಬಿಜೆಪಿ ಮುಖಂಡರಾದ ಶ್ರೀಪತಿ ಉಡುಪಿ, ಜಗನ್ನಾಥಸಾ ಭಾಂಡಗೆ, ತೋಟೊಸಾ ಭಾಂಡಗೆ ಅವರು ಅಟಲ್ ಯಾತ್ರೆಗೆ ಚಾಲನೆ ನೀಡಿದರು.
ಕನ್ನಡಾಭಿಮಾನಿ ಮಲ್ಲಿಕಾರ್ಜುನ ಖಂಡಮ್ಮನವರ, ನಾಗೇಶ ಹುಬ್ಬಳ್ಳಿ ಅಭಿಮಾನಿ ಬಳಗದ ಅಧ್ಯಕ್ಷ ಮಂಜುನಾಥ ಮಡಿವಾಳರ, ಗಂಗಾಧರ ಬಳಿಗಾರ, ಆನಂದ ಬಂಡಿ, ಶಿವು ಆಸಂಗಿ ಇತರರು ಉಪಸ್ಥಿತರಿದ್ದರು.
ಅಟಲ್ ಯಾತ್ರೆ ಮೂಲಕ ಕೇಂದ್ರ ಮತ್ತು ರಾಜ್ಯ ಸರಕಾರದ ಕಾರ್ಯಕ್ರಮಗಳನ್ನು ಮನೆ ಮನೆಗೆ ತಲುಪಿಸುವ ಯೋಜನೆ ಹಮ್ಮಿಕೊಳ್ಳಲಾಗಿದೆ. ಸರಕಾರದ ಸಾಧನೆಗಳನ್ನು ಧ್ವನಿಸುರಳಿ ಮೂಲಕ ಗದಗ ಮತಕ್ಷೇತ್ರದ ಗ್ರಾಮೀಣ ಭಾಗದಲ್ಲಿಯೂ ಅಟಲ್ ಯಾತ್ರೆ ಪ್ರಚಾರ ಕೈಗೊಳ್ಳಲಿದೆ. ನಾಗೇಶ ಹುಬ್ಬಳ್ಳಿ
