ಗದಗ: ಜಾನುವಾರುಗಳ ಪಾಲಿಗೆ ಮಾರಕವಾಗಿರುವ ಚರ್ಮ ಗಂಟು ರೋಗ (ಲಿಂಪಿ) ಕರ್ನಾಟಕ ಸೇರಿ ಸುಮಾರು 16 ರಾಜ್ಯಗಳಲ್ಲಿ ಹಬ್ಬಿದ್ದಲ್ಲದೇ ಲಕ್ಷಕ್ಕೂ ಅಧಿಕ ಜಾನುವಾರಗಳು ಮೃತಪಟ್ಟಿದ್ದು ಲಕ್ಷಾಂತರ ಜಾನುವಾರಗಳು ವ್ಯಾಧಿಯಿಂದ ನರಳುವಂತಾಗಿದೆ.
ಜಾನುವಾರುಗಳಿಗೆ ಲಿಂಪಿ ರೋಗ ವಾಸಿಯಾಗುವ ನಿಟ್ಟಿನಲ್ಲಿ ಮಹಾರಾಷ್ಟದ ಕೊಲ್ಲಾಪುರ ಕನೇರಿ ಮಠದವರು ವಿಶ್ವವಿದ್ಯಾಲಯಕ್ಕೆ ಔಷಧ ನೀಡಿದ್ದು ವಿಶ್ವವಿದ್ಯಾಲಯ ಉಚಿತವಾಗಿ ವಿತರಣೆ ಮಾಡುತ್ತಿದೆ.
ಚರ್ಮ ಗಂಟು ರೋಗ ವಿಶೇಷವಾಗಿ ಗೋವುಗಳ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತಿದ್ದು, ಇದರಿಂದ ಹಾಲು ಉತ್ಪಾದನೆ ಮೇಲೆ ಕೆಟ್ಟ ಪರಿಣಾಮ ಬೀರತೊಡಗಿದೆ. ಇದನ್ನು ಅರಿತು ವ್ಯಾಧಿ ಬಾರದಂತೆ ಹಾಗೂ ಬಂದರೂ ಅದು ವಾಸಿಯಾಗುವಂತಹ ಔಷಧಿಯನ್ನು ತಯಾರಿಸಲಾಗಿದ್ದು ಉಚಿತವಾಗಿ ರೈತರಿಗೆ ನೀಡಲಾಗುತ್ತಿದೆ.
ವಿಶ್ವವಿದ್ಯಾಯಯದ ಕುಲಪತಿಗಳಾದ ಪ್ರೋ. ವಿಷ್ಣುಕಾಂತ್ ಎಸ್ ಚಟಪಲ್ಲಿಯವರು ಮತ್ತು ಕುಲಸಚಿವರಾದ ಪ್ರೋ. ಬಸವರಾಜ್ ಎಲ್ ಲಕ್ಕಣ್ಣವರ ಸೂಚನೆಯಂತೆ ಜಾನುವಾರುಗಳ ಚರ್ಮದ ಗಂಟು ರೋಗಕ್ಕೆ ಉಚಿತ ಔಷಧಿಯನ್ನು ಕೆ.ಎಸ್.ಆರ್.ಡಿ.ಪಿ.ಆರ್. ವಿಶ್ವವಿದ್ಯಾಲಯದ, ಸಮಗ್ರ ಪಶುಕೃಷಿ ಯೋಜನೆ, ನಾಗಾವಿಯಲ್ಲಿ ನೀಡಲಾಗುತ್ತಿದೆ. ರೈತರು ಹಚ್ಚಿನ ಸಂಖ್ಯೆಯಲ್ಲಿ ಬಂದು ಇದರ ಸದುಪಯೋಗ ಪಡೆದುಕೊಳ್ಳಬಹುದಾಗಿದೆ.
ಕೆ.ಎಸ್.ಆರ್.ಡಿ.ಪಿ.ಆರ್. ವಿಶ್ವವಿದ್ಯಾಲಯದ, ಸಮಗ್ರ ಪಶುಕೃಷಿ ಯೋಜನೆ, ನಾಗಾವಿಗೆ ಬೇಟಿನಿಡಿ ಔಷಧಿಯನ್ನು ರೈತರು ಪಡಿಯಲು ಕೊರಲಾಗಿದೆ ಮತ್ತು ಹೆಚ್ಚಿನ ಮಾಹಿತಿಗಾಗಿ ಮೊಬೈಲ್ ನಂ ಸಂಪರ್ಕಿಸಿ: 9449133449, 6363260570, 9945453105
ಔಷಧಿ ಬಳಕೆ ಹೇಗೆ?
೧. ಜಾನುವಾರುಗಳಿಗೆ ಅರ್ಧ ಲೀಟರ್ ನೀರಿನಲ್ಲಿ 30 ಹನಿ ಔಷಧಿ ಹಾಕಬೇಕು ಮತ್ತು ಕರುಗಳಿದ್ದರೆ ಅರ್ಧ ಲೀಟರ್ ನೀರಿನಲ್ಲಿ 15 ಹನಿ ಔಷಧಿ ಹಾಕಿ ಅದನ್ನುಎರಡು ಭಾಗಮಾಡಿ,ಅಂದರೆ ಕಾಲು ಲೀಟರ್ ನಂತೆ ಬೆಳಗ್ಗೆ ಮತ್ತು ಸಂಜೆ ಜಾನುವಾರುಗಳಿಗೆ ಕುಡಿಸಬೇಕು.
೨. ಈ ಔಷಧಿಯನ್ನು ಒಂದೇದಿನ ಮಾತ್ರ ಜಾನುವಾರುಗಳಿಗೆ ಕುಡಿಸಬೇಕು.
೩. ಚರ್ಮದಗಂಟುರೋಗ ಕಾಣಿಸಿಕೊಂಡ ಮತ್ತು ಕಾಣಿಸಿಕೊಳ್ಳದ ಜಾನುವಾರುಗಳೆಲ್ಲವಕ್ಕೂ ಕುಡಿಸಬಹುದಾಗಿದೆ.
ಮನೆಮದ್ದು:
ಪಾರಂಪರಿಕ ವೈದ್ಯರತ್ನ ಮತ್ತು ವನಮಿತ್ರ ಪ್ರಶಸ್ತಿ ಪುರಸ್ಕೃತರು ಹಿರಿಯ ನಾಟಿ ವೈದ್ಯರಾದ ಬಸವರಾಜ ಮ. ಕೊಚಿಗೇರಿ ಅವರ ಸಲಹೆಯಂತೆ – ಕರ್ಲಕ್ಕಿತಪ್ಪಲು (ಒಂದು ಹಿಡಿ), 7 ಮೆಣಸು, 7 ಔಡಲ ಬೀಜ, 7 ಕೆಂಜ್ವಾಳ, 7 ಬಳ್ಳೊಳ್ಳಿ ಬ್ಯಾಳಿ, 50 ಗ್ರಾಂ ಬೆಲ್ಲವನ್ನು ಸೇರಿಸಿ ಅರಿದು 1 ಲೀಟರ್ ಮಜ್ಜಿಗೆ ಸೇರಿಸಿ ಮುಂಜಾನೆ ಮತ್ತು ಸಾಯಂಕಾಲ ಎರಡು ದಿನ ದನಗಳಿಗೆ ಕುಡಿಸುವುದರಿಂದ ಚರ್ಮಗಂಟು ರೋಗ ವಾಸಿಮಾಡಬಹುದು ಎಂದು ತಿಳಿಸಿದ್ದಾರೆ.
