ದೊಡ್ಡಬಳ್ಳಾಪುರ: ಮೊಬೈಲ್ ಗೀಳಿಗೆ ಹದಿಹರೆಯದ ಯುವತಿಯೊಬ್ಬಳು ಪ್ರಾಣ ಕಳೆದುಕೊಂಡಿದ್ದಾರೆ.
ನಗರದ ಗಾಣಿಗರಪೇಟೆಯಲ್ಲಿ ಈ ದುರ್ಘಟನೆ ನಡೆದಿದ್ದು,ರುಚಿತಾ (೧೯) ಎನ್ನುವ ಯುವತಿ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ಅತಿಯಾಗಿ ಮೊಬೈಲ್ ಬಳಸುತ್ತಿದ್ದ ಅಕ್ಕನಿಗೆ ಮೊಬೈಲ್ ಬಳಸಬೇಡ ಎಂದು ಕಿರಿಯ ಸಹೋದರ ಬುದ್ದಿವಾದ ಹೇಳಿದ್ದಲ್ಲದೇ, ಮೊಬೈಲ್ ಗೀಳು ತಪ್ಪಿಸಲು ಮೊಬೈಲ್ ಪಾಸ್ವರ್ಡ್ ರಿಸೆಟ್ ಮಾಡಿದ್ದಾನೆ.
ಆದರೂ ಹಟ ಬಿಡದ ರುಚಿತಾ, ಪಾಸ್ವರ್ಡ್ ಹೇಳುವಂತೆ ಪದೇ ಪದೇ ತಮ್ಮಿಗೆ ಒತ್ತಾಯಿಸಿದ್ದಾಳೆ. ಮೊಬೈಲ್ ಗಾಗಿ ಅಕ್ಕ-ತಮ್ಮನ ಮಧ್ಯೆ ಮನೆಯಲ್ಲಿ ಆಗಾಗ ಜಗಳವೂ ನಡೆಯುತ್ತಿತ್ತು.
ಶನಿವಾರವೂ ಪಾಸ್ವರ್ಡ್ ನೀಡುವಂತೆ ಪೀಡಿಸಿದರೂ ತಮ್ಮ ಪಾಸ್ವರ್ಡ್ ನೀಡದಿದ್ದಾಗ, ಮನೆಯಲ್ಲಿ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ದೊಡ್ಡಬಳ್ಳಾಪುರ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
