ಗ್ರಾಮ ಪಂಚಾಯಿತಿ ಉಪಚುನಾವಣಾ ವೇಳಾಪಟ್ಟಿ ಪ್ರಕಟ

ಬೆಂಗಳೂರು: ಕರ್ನಾಟಕ ರಾಜ್ಯ ಚುನಾವಣಾ ಆಯೋಗವು ರಾಜ್ಯದ ವಿವಿಧ ಗ್ರಾಮ ಪಂಚಾಯಿತಿಗಳಲ್ಲಿ ಖಾಲಿ ಇರುವ ಸದಸ್ಯ ಸ್ಥಾನಗಳಿಗೆ ಉಪಚುನಾವಣೆ ನಡೆಸಲು ವೇಳಾಪಟ್ಟಿಯನ್ನು ಪ್ರಕಟಿಸಿದೆ.

ವಿವಿಧ ಕಾರಣಗಳಿಂದ ತೆರವಾಗಿರುವ ಸ್ಥಾನಗಳನ್ನು ಭರ್ತಿ ಮಾಡಲು ಈ ಉಪಚುನಾವಣೆಗಳನ್ನು ನಡೆಸಲಾಗುತ್ತಿದೆ. ಉಪಚುನಾವಣೆ ನಡೆಯುವ ಗ್ರಾಮ ಪಂಚಾಯಿತಿಗಳ ಸದಸ್ಯ ಸ್ಥಾನಗಳ ಸಂಖ್ಯೆಯ ವಿವರಗಳನ್ನು ಲಗತ್ತಿಸಲಾದ ಅನುಬಂಧದಲ್ಲಿ ನೀಡಲಾಗಿದೆ.

ಉಪಚುನಾವಣೆಯ ಪ್ರಮುಖ ದಿನಾಂಕಗಳು
ಜಿಲ್ಲಾಧಿಕಾರಿಗಳು ಚುನಾವಣಾ ಅಧಿಸೂಚನೆಯನ್ನು ಹೊರಡಿಸುವ ದಿನಾಂಕ: 2025 ರ ಮೇ 8 (ಗುರುವಾರ)

ನಾಮಪತ್ರಗಳನ್ನು ಸಲ್ಲಿಸಲು ಕೊನೆಯ ದಿನಾಂಕ: 2025 ರ ಮೇ 14 (ಬುಧವಾರ)

ನಾಮಪತ್ರಗಳ ಪರಿಶೀಲನೆ ದಿನಾಂಕ: 2025 ರ ಮೇ 15 (ಗುರುವಾರ)

ಉಮೇದುವಾರಿಕೆಗಳನ್ನು ಹಿಂತೆಗೆದುಕೊಳ್ಳಲು ಕೊನೆಯ ದಿನಾಂಕ: 2025 ರ ಮೇ 17 (ಶನಿವಾರ)

ಮತದಾನ ಅಗತ್ಯವಿದ್ದರೆ, ಮತದಾನ ನಡೆಯುವ ದಿನಾಂಕ: 2025 ರ ಮೇ 25 (ಭಾನುವಾರ) (ಬೆಳಿಗ್ಗೆ 7:00 ರಿಂದ ಸಂಜೆ 5:00 ರವರೆಗೆ)

ಮರು ಮತದಾನ ಅಗತ್ಯವಿದ್ದರೆ, ಮತದಾನ ನಡೆಯುವ ದಿನಾಂಕ: 2025 ರ ಮೇ 27 (ಮಂಗಳವಾರ) (ಬೆಳಿಗ್ಗೆ 7:00 ರಿಂದ ಸಂಜೆ 5:00 ರವರೆಗೆ)

ಮತಗಳ ಎಣಿಕೆ ದಿನಾಂಕ: 2025 ರ ಮೇ 28 (ಬುಧವಾರ) (ಬೆಳಿಗ್ಗೆ 8:00 ಗಂಟೆಯಿಂದ ತಾಲ್ಲೂಕು ಕೇಂದ್ರಗಳಲ್ಲಿ)

ಚುನಾವಣಾ ಪ್ರಕ್ರಿಯೆ ಮುಕ್ತಾಯಗೊಳ್ಳಬೇಕಾದ ದಿನಾಂಕ: 2025 ರ ಮೇ 28 (ಬುಧವಾರ)