ಗುವಾಹಟಿ: ಆತಿಥೇಯ ಶ್ರೀಲಂಕಾ ವಿರುದ್ಧದ ಪ್ರಥಮ ಏಕದಿನ ಪಂದ್ಯದಲ್ಲಿ ಭಾರತ 67 ರನ್ ಗಳ ಭರ್ಜರಿ ಗೆಲುವು ಸಾಧಿಸಿದೆ.
ಟಾಸ್ ಗೆದ್ದು ಶ್ರೀಲಂಕಾ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ವಿರಾಟ್ ಕೊಹ್ಲಿ(113) ಶತಕದ ನೆರವಿನಿಂದ ಭಾರತ 7 ವಿಕೆಟ್ ನಷ್ಟಕ್ಕೆ 373 ರನ್ ಕಲೆ ಹಾಕಿದೆ.
ಬ್ಯಾಟಿಂಗ್ ಆರಂಭಿಸಿದ ಭಾರತ ಭರ್ಜರಿ ಆರಂಭ ಕಂಡಿತು. ಭಾರತದ ಪರ ರೋಹಿತ್ ಶರ್ಮಾ 83, ಶುಭಮನ್ ಗಿಲ್ 70, ಕೆ ಎಲ್ ರಾಹುಲ್ 39 ಕಲೆ ಹಾಕಿದರು.
ಟಾರ್ಗೆಟ್ ಬೆನ್ನತ್ತಿದ್ದ ಶ್ರೀಲಂಕಾ ಆರಂಭಿಕ ವೈಫಲ್ಯ ಕಂಡಿತು. ಲಂಕಾ ನಾಯಕ ದಶುನ್ ಶನಕ(108) ಅಜೇಯ ಶತಕದ ನೆರವಿನಿಂದ ನಿಗದಿತ ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 306 ರನ್ ಗಳಿಸಿದೆ.
ಲಂಕಾ ಪರ ನಿಶಾಂಕ 72, ಧನಂಜಯ ಡಿ ಸಿಲ್ವಾ 47, ಚರಿತ್ ಅಸಲಂಕ 23 ರನ್ ಗಳಿಸಿದರು. ಭಾರತದ ಪರ ಮಹಮ್ಮದ್ ಸಿರಾಜ್ 2, ಉಮ್ರಾನ್ ಮಲಿಕ್ 3 ವಿಕೆಟ್ ಕಬಳಿಸಿದ್ದಾರೆ.
ಬೌಲರ್ ಉಮ್ರಾನ್ ಮಲಿಕ್ ವೇಗದ ಎಸೆತ ಎಸೆಯುವ ಮೂಲಕ ದಾಖಲೆ ಬರೆದಿದ್ದಾರೆ. 156 ಕಿಮೀ ವೇಗದಲ್ಲಿ ಬೌಲ್ ಮಾಡಿ ತಮ್ಮ ಹಿಂದಿನ ದಾಖಲೆಯನ್ನು ಮುರಿದಿದ್ದಾರೆ. ಟಿ-20 ಪಂದ್ಯದಲ್ಲಿ 155 ಕಿಮೀ ವೇಗದಲ್ಲಿ ಬೌಲ್ ಮಾಡಿದರು.
ವಿರಾಟ್ ಕೊಹ್ಲಿ ಸ್ವದೇಶಿ ನೆಲದಲ್ಲಿ 20 ಶತಕಗಳನ್ನು ಬಾರಿಸುವ ಮೂಲಕ ಸಚಿನ್ ತೆಂಡೂಲ್ಕರ್ ದಾಖಲೆ ಸಮಗಟ್ಟಿದ್ದಾರೆ. ವಿರಾಟ್ ಶ್ರೀಲಂಕಾ ವಿರುದ್ಧ 9 ಶತಕ ಗಳಿಸಿದ್ದಾರೆ. ಇದು ಕೊಹ್ಲಿ ವೃತ್ತಿ ಜೀವನದ 45ನೇ ಶತಕ.
