ಪುಣೆ: ಆತಿಥೇಯ ಶ್ರೀಲಂಕಾ 16 ರನ್ ಗಳ ಗೆಲುವು ಸಾಧಿಸಿದೆ. ಪುಣೆಯಲ್ಲಿ ನಡೆದ ಎರಡನೇ ಟಿ-20 ಪಂದ್ಯದಲ್ಲಿ ಭಾರತಕ್ಕೆ ವಿರೋಚಿತ ಸೋಲಾಗಿದೆ. ರೋಚಕತೆ ಪಡೆಯುತ್ತಾ ಸಾಗಿದ ಪಂದ್ಯದಲ್ಲಿ ಭಾರತ ಕೊನೆಯ ಓವರ್ ನಲ್ಲಿ ಪಂದ್ಯ ಕೈಚೆಲ್ಲಿದೆ.
5 ವಿಕೆಟ್ ನಷ್ಟಕ್ಕೆ 57 ರನ್ ಗಳಿಸಿದ ಭಾರತ ಸಂಕಷ್ಟಕ್ಕೆ ಸಿಲುಕಿತು. ಸೂರ್ಯ ಕುಮಾರ್ ಯಾದವ್ 51, ಅಕ್ಷರ್ ಪಟೇಲ್ 65, ಶಿವಂ ಮಾವಿ 26 ರನ್ ಕಲೆ ಹಾಕಿದರು.
ಟಾಸ್ ಗೆದ್ದ ಭಾರತ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತ್ತು. ಬ್ಯಾಟಿಂಗ್ ಆರಂಭಿಸಿದ ಲಂಕಾ ನಿಗದಿತ 20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 206 ರನ್ ಕಲೆ ಹಾಕಿದೆ. ಲಂಕಾ ಪರ ಕುಶಾಲ್ ಮೆಂಡಿಸ್ 52, ನಾಯಕ ದುಸಾನ್ ಶನಕ್ 56, ರನ್ ಗಳಿಸಿದರು. ಭಾರತದ ಬೌಲರ್ ಗಳು ದುಬಾರಿಯಾದರು.
ಗುರಿ ಬೆನ್ನತ್ತಿದ್ದ ಭಾರತ ಆರಂಭಿಕ ಆಘಾತ ಕಂಡಿತು. ಮಧ್ಯಮ ಕ್ರಮಾಂಕದಲ್ಲಿ ಗೆಲುವಿನ ಭರವಸೆ ಮೂಡಿಸಿದರು ವಿಜಯಲಕ್ಷ್ಮಿ ಒಲಿಯಲಿಲ್ಲ.
ಭಾರತೀಯ ಬೌಲರ್ ಆರ್ಷ್ ದೀಪ್ ಸಿಂಗ್ ಹ್ಯಾಟ್ರಿಕ್ ನೋ ಬಾಲ್ ಎಸೆದಿದ್ದಾರೆ. ನೋ ಬಾಲ್ ಹಾಗೂ ಕಳಪೆ ಕ್ಷೇತ್ರ ರಕ್ಷಣೆಯಿಂದ ಶ್ರೀಲಂಕಾ ಬೃಹತ್ ಮೊತ್ತ ಪೇರಿಸಲು ಸಾಧ್ಯವಾಯಿತು.
