ಮುಂಬೈ: ಶ್ರೀಲಂಕಾ ವಿರುದ್ದದ ಪ್ರಥಮ ಟಿ-20 ಪಂದ್ಯದಲ್ಲಿ ಭಾರತ ರೋಚಕ ಗೆಲುವು ಸಾಧಿಸಿದೆ. ಭಾರತ ತಂಡ 2 ರನ್ ಗಳ ಗೆಲುವು ಸಾಧಿಸಿದೆ. ಮುಂಬೈನ ವಾಖೆಂಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಶ್ರೀಲಂಕಾ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡಿತ್ತು.
ಮೊದಲ ಬ್ಯಾಟಿಂಗ್ ಆರಂಭಿಸಿದ ಭಾರತ, ನಿಗದಿತ 20 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 163 ರನ್ ಕಲೆ ಹಾಕಿದೆ. ಭಾರತದ ಪರ ಇಶಾನ್ ಕಿಸಾನ್ 37, ಹಾರ್ದಿಕ್ ಪಾಂಡ್ಯ 29, ದೀಪಕ ಹೂಡಾ 41, ಅಕ್ಷರ್ ಪಟೇಲ್ 31 ರನ್ ಗಳಿಸಿದರು.
ಗುರಿ‌ಬೆನ್ನತ್ತಿದ್ದ ಆತಿಥೇಯ ಶ್ರೀಲಂಕಾ 160 ರನ್ ಗಳಿಗೆ ಸರ್ವಪತನ ಕಂಡಿದೆ. ಲಂಕಾ ಪರ ಕುಶಾಲ್ ಮೆಂಡಿಸ್ 28, ದಸುನ್ ಶನಕ್ 45, ವಾಹಿಂದು ಹಸರಂಗ 21, ಚಾರ್ಮಿಕ್ ಕರುಣರತ್ನೆ 23 ರನ್ ಕಲೆ ಹಾಕಿದ್ದಾರೆ.
ಭಾರತದ ಬೌಲರ್ ಗಳ ದಾಳಿಗೆ ಲಂಕಾ ನಲುಗಿ ಹೋಗಿದೆ. ಭಾರತದ ಪರ ಶಿವಂ ಮಾವಿ 4, ಉಮ್ರಾನ್ ಮಲಿಕ್ ಹಾಗೂ ಹರ್ಷಲ್ ಪಟೇಲ್ ತಲಾ 2 ವಿಕೆಟ್ ಕಬಳಿಸಿದ್ದಾರೆ.
