ಕೊಲ್ಕತ್ತಾ: ಪಶ್ಚಿಮ ಬಂಗಾಳ ಸಚಿವ ಸುಬ್ರತಾ ಸಹಾ(69) ಹಠಾತ್ ನಿಧನ ಹೊಂದಿದ್ದಾರೆ. ಬುಧವಾರ ರಾತ್ರಿ ಅಸ್ವಸ್ಥಗೊಂಡ ಸಚಿವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆರೋಗ್ಯದಲ್ಲಿ ಚೇತರಿಕೆ ಕಾಣದೇ ಇಂದು ಬೆಳಿಗ್ಗೆ 10.40 ಕ್ಕೆ ನಿಧನ ಹೊಂದಿರುವುದಾಗಿ ಆಸ್ಪತ್ರೆ ವೈದ್ಯರು ತಿಳಿಸಿದ್ದಾರೆ.
ಬೆರ್ಹಾಂಪೋರ್ನ ಮುರ್ಷಿದಾಬಾದ್ ವೈದ್ಯಕೀಯ ಕಾಲೇಜ್ ಗೆ ದಾಖಲಿಸಲಾಗಿತ್ತು. ಸುಬ್ರತಾ ಸಹಾ ಅವರು ರಾಜ್ಯದ ಆಹಾರ ಸಂಸ್ಕರಣಾ ಇಲಾಖೆಯ ರಾಜ್ಯ ಸಚಿವರ. ಮುರ್ಷಿದಾಬಾದ್ ನ ಸಾಗರ್ದಿಘಿಯಿಂದ ಶಾಸಕರಾಗಿದ್ದಾರೆ.
ಸುಬ್ರತಾ ಸಹಾ ಇತ್ತೀಚಿಗೆ ಪಿತ್ತಕೋಶದ ಶಸ್ತ್ರಚಿಕಿತ್ಸೆಗೆ ಒಳಪಟ್ಟಿದ್ದರು. ಚೇತರಿಸಿಕೊಂಡಿದ್ದ ಅವರು ಬುಧವಾರ ಬೆಳಗ್ಗೆ ಜಿಲ್ಲೆಗೆ ಮರಳಿದ್ದರು. ಆದರೆ ರಾತ್ರಿ ಇದ್ದಕ್ಕಿದ್ದಂತೆ ಅನಾರೋಗ್ಯ ಕಾಣಿಸಿಕೊಂಡಿದೆ. ಕೂಡಲೇ ಅವರನ್ನು ಬೆರ್ಹಾಂಪೋರ್ನ ಮುರ್ಷಿದಾಬಾದ್ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿದೆ.
