ವಿಜಯನಗರ: ಜಾನಪದ ಅಕಾಡೆಮಿ ಅಧ್ಯಕ್ಷ ಸ್ಥಾನದಲ್ಲಿ ಇನ್ನು ಆರು ತಿಂಗಳು ಇರಬೇಕಿತ್ತು. ದೊಡ್ಡ ಯೋಜನೆಯೊಂದಕ್ಕೆ ಕೈ ಹಾಕಿದ್ದೆ. ಅದು ಅರ್ಧಕ್ಕೆ ನಿಂತಿದೆ. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವರ ಸಹಿ ಆಗಿದ್ದರೆ ನನ್ನ ಕೆಲಸ ಪೂರ್ಣಗೊಳ್ಳುತ್ತಿತ್ತು ಎಂದು ಅಕಾಡೆಮಿ ಮಾಜಿ ಅಧ್ಯಕ್ಷೆ ಮಂಜಪ್ಪ ಜೋಗುತಿ ಬೇಸರ ವ್ಯಕ್ತಪಡಿಸಿದರು.
ಬುಧವಾರ ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಅಧಿಕಾರದಲ್ಲಿದ್ದಿದ್ದರೆ ಅಖಿಲ ಭಾರತ ಮಹಿಳಾ ಸಮಾವೇಶ, ಅಖಿಲ ಕರ್ನಾಟ ಸಾಹಿತ್ಯ ಸಮ್ಮೇಳನ, ತೃತೀಯ ಲಿಂಗಿಗಳ ಸಮ್ಮೇಳನ ಮಾಡಬೇಕೇಂಬ ಆಸೆ ಹಾಗೆ ಉಳಿದಿದೆ. ಅಧಿಕಾರಾವಧಿ ಮುಗಿದಿದ್ದರಿಂದ ಅದ್ಯಾವುದು ಮಾಡಲು ಆಗಿಲ್ಲ. ದೊಡ್ಡ ಮಟ್ಟದ ಯಾವುದೇ ಕಾರ್ಯಕ್ರಮ ಮಾಡಲು ಆಗಲೇ ಇಲ್ಲ ಎಂದರು.
ಸರಕಾರ ಕಳೆದ ಎರಡು ತಿಂಗಳಿನಿಂದ ಜಾನಪದ ಅಕಾಡೆಮಿ ಅಧ್ಯಕ್ಷ ಸ್ಥಾನ ಖಾಲಿ ಬಿಟ್ಟಿದ್ದಾರೆ. ಸರಕಾರ ಆದಷ್ಟು ಬೇಗ ಅಧ್ಯಕ್ಷರನ್ನ ನೇಮಿಸಿ ಕಾರ್ಯಚಟುವಟಿಕೆ ನಡೆಯಲು ಮುಂದಾಗಬೇಕು. ನನ್ನೆಲ್ಲ ಆಸೆಗಳನ್ನ ಮುಂದಿನ ಅಧ್ಯಕ್ಷರಾದರೂ ಈಡೇರಿಸುತ್ತಾರೆ ಎನ್ನುವ ನಂಬಿಕೆಯಿದೆ ಎಂದು ತಿಳಿಸಿದರು.
ಹಂಪಿ ಉತ್ಸವ ದಿನ ನಿಗದಿ ಕುರಿತು ಪ್ರತಿಕ್ರಿಯಿಸಿದ ಅವರು, ಸರಕಾರ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ನಂತರ ಹಂಪಿ ಉತ್ಸವ ಆಯೋಜಿಸಬೇಕು. ಆಗ ಕಲಾವಿದರಿದೆ ಅನುಕೂಲವಾಗುತ್ತದೆ. ಇಲ್ಲದಿದ್ದರೆ ದಿ. ಎಂ.ಪಿ ಪ್ರಕಾಶ ಅವರು ಪ್ರತಿ ವರ್ಷ ನ. 3 ಮತ್ತು 4ರಂದು ಉತ್ಸವ ನಡೆಸುತ್ತಿದ್ದರೆ. ಭವಿಷ್ಯದಲ್ಲಿಯೂ ಅದೇ ದಿನ ಉತ್ಸವ ನಡೆಯುವಂತೆ ಸರಕಾರ ನಿಯಮ ರೂಪಿಸಬೇಕು ಎಂದರು.
