ಗದಗ: ಗದಗಬೆಟಗೇರಿ ಅವಳಿ ನಗರದಲ್ಲಿ ಕೆ ಎಚ್ ಪಾಟೀಲ್ ವಾಲಿಬಾಲ್ ಲೀಗ್ ಆಯೋಜಿಸಿದ್ದು, ಕಳಸಾಪುರ ರಸ್ತೆಯಲ್ಲಿರುವ ಒಳಾಂಗಣ ಕ್ರೀಡಾಂಗಣ (ಇಂಡೋರ್ ಸ್ಟೇಡಿಯಂ)ನಲ್ಲಿ ಫ್ಲಡ್ ಲೈಟ್ ಬಂದಾವಳಿಗಳನ್ನ ನಡೆಸಲು ಪೂರ್ವಭಾವಿ ಸಭೆಯಲ್ಲಿ ತೀರ್ಮಾನಿಸಲಾಗಿದೆ.
ಅವಳಿ ನಗರದಲ್ಲಿ ಕರ್ನಾಟಕ ಸ್ಪೋರ್ಟ್ಸ್ ಅಂಡ್ ಎಜುಕೇಶನ್ ಅಕಾಡೆಮಿ ಗದಗ್ ಇವರ ಸಂಯುಕ್ತ ಆಶ್ರಯದಲ್ಲಿ ಕೆ ಎಚ್ ಪಾಟೀಲ್ ವಾಲಿಬಾಲ್ ಲೀಗ್ ಆಯೋಜಿಸಲಾಗಿದೆ. ಇದೇ ದಿನಾಂಕ 10.09.2022 ರಿಂದ 24.09.2022 ರವರೆಗೆ ಕಳಸಾಪುರ ರಸ್ತೆಯಲ್ಲಿರುವ ಒಳಾಂಗಣ ಕ್ರೀಡಾಂಗಣದಲ್ಲಿ ವಾಲಿಬಾಲ್ ಪಂದ್ಯಾವಳಿಗಳು ನಡೆಯಲಿದೆ.
ಪಂದ್ಯಾವಳಿಗಳನ್ನು ವಾಲಿಬಾಲ್ ಆಟಗಾರರಿಗೆ ಉತ್ತೇಜಿನ ನೀಡುವ ಸಲುವಾಗಿ ಮಾಲಕರಿಂದ ಹರಾಜು ಪ್ರಕ್ರಿಯೆ ಮೂಲಕ ಆಟಗಾರರಿಗೆ ಪಡೆದುಕೊಳ್ಳುವ ವ್ಯವಸ್ಥೆ ಮಾಡಲಾಗಿದೆ.
ಈ ಪದ್ಧತಿಯ ಟೂರ್ನಮೆಂಟ್ ರಾಜ್ಯದಲ್ಲಿ ಪ್ರಪ್ರಥಮವಾಗಿ ನಡೆಯುತ್ತಿದ್ದು ಆಟಗಾರರ ಹರಾಜು ಪ್ರಕ್ರಿಯೆ ದಿನಾಂಕವನ್ನು ಅತಿ ಶೀಘ್ರದಲ್ಲಿ ಪ್ರಕಟಿಸಲಾಗುವುದು. ಪೂರ್ವಭಾವಿ ಸಭೆಯಲ್ಲಿ ಯುವ ನಾಯಕರಾದ ಕೃಷ್ಣೇಗೌಡ ಪಾಟೀಲ್, ಸಿದ್ದಲಿಂಗೇಶ್ವರ ಪಾಟೀಲ್, ಸರ್ಪರಾಜ ಶೇಖ್, ರಮೇಶ್ ಹೊನ್ನಿನಾಯ್ಕರ್, ಮಂಜುನಾಥ್ ಪೂಜಾರಿ, ರೋಹಿತ್ ನಾಯ್ಕರ್, ಮಂಜು ಬಳ್ಳಾರಿ, ನಾಗರಾಜ್ ಹಿರೇಮಠ, ಸಂಗಮೇಶ್ ಕೋಳಿಕಾಯಿ, ಮುರುಗೇಶ್ ಬಡ್ನಿ, ಶರಣು ಶಿಗ್ಲಿ, ಬಸವರಾಜ್ ಭಜಂತ್ರಿ, ಸರ್ಫರಾಜ್ ಬಬ೯ಚಿ, ಅಸ್ಲಂ ನೆರೆಗಲ್ ಹಾಗೂ ಮುಂತಾದವರು ಉಪಸ್ಥಿತರಿದ್ದರು.
