ಹುಬ್ಬಳ್ಳಿ: ಇಲ್ಲಿನ ಈದ್ಗಾ ಮೈದಾನದಲ್ಲಿ ಗಣೇಶ ಮೂರ್ತಿ ಪ್ರತಿಷ್ಠಾಪನೆಗೆ ಸಂಬಂಧಿಸಿ ಉಂಟಾಗಿದ್ದ ಗೊಂದಲಕ್ಕೆ ಹೈಕೋರ್ಟ್ ಮಂಗಳವಾರ ತಡರಾತ್ರಿ ಪಾಲಿಕೆಯ ನಿರ್ಣಯ ಎತ್ತಿ ಹಿಡಿಯುವ ಮೂಲಕ ತೆರೆ ಎಳೆದಿದೆ.
ಪಾಲಿಕೆ ನೀಡಿದ್ದ ಅನುಮತಿ ಆಕ್ಷೇಪಿಸಿ ಸಾದಿಕ್‌ ಗುಡಮಾಲ್ ಎಂಬವರು ಹೈಕೋರ್ಟ್ ನಲ್ಲಿ ಅರ್ಜಿ ಸಲಿಸಿದ್ದರು. ಅವಾಗಲೂ ಹೈಕೋರ್ಟ್ ಪಾಲಿಕೆ ನಿರ್ಧಾರವನ್ನು ಪುರಸ್ಕರಿಸಿತ್ತು.
ಈ ಮಧ್ಯೆ ಚಾಮರಾಜ ಪೇಟೆ ಈದ್ಗಾ ಮೈದಾನದಲ್ಲಿ ಗಣೇಶೋತ್ಸವ ಅಚರಣೆಗೆ ಸುಪ್ರೀಂ ನಿರಾಕರಿಸಿತ್ತು. ಇದನ್ನು ಆಧರಿಸಿ ಗುಡಮಾಲ್ ಅವರು ಮತ್ತೆ ಹೈಕೋರ್ಟ್ ಮೊರೆ ಹೋಗಿ ತೀರ್ಪು ಮರುಪರಿಶೀಲಿಸುವಂತೆ ಮನವಿ ಮಾಡಿದ್ದರು. ತಡರಾತ್ರಿ ವರೆಗೂ ವಿಚಾರಣೆ ನಡೆಸಿದ್ದ ಹೈಕೋರ್ಟ್ ಪಾಲಿಕೆ ಕೈಗೊಂಡ ನಿರ್ಣಯ ಸರಿ ಇದೆ ಎಂದು ತೀರ್ಪು ಪ್ರಕಟಿಸಿತ್ತು.
ಈ ವಿಷಯ ತಿಳಿಯುತ್ತಿದ್ದಂತೆ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ರಾತ್ರಿ ೧೨ ಗಂಟೆ ಹೊತ್ತಿಗೆ ಈದ್ಗಾ ಮೈದಾನ ಕ್ಕೆ‌ಆಗಮಿಸಿ ಹಿಂದುಪರ ಸಂಘಟನೆಗಳೊಂದಿಗೆ ವಿಜಯೋತ್ಸವ ಆಚರಿಸಿದರು. ತೀರ್ಪು ಪ್ರಕಟವಾಗುತಿದ್ದಂತೆ ರಾಣಿ ಚೆನ್ನಮ್ಮ ಮೈದಾನ ಗಜಾನನ ಉತ್ಸವ ಮಹಾಮಂಡಳಿ ಅಧ್ಯಕ್ಷ ಸಂಜಯ ಬಡಸ್ಕರ್ ನೇತೃತ್ವದಲ್ಲಿ ಕಾರ್ಯಕರ್ಯರ ಪಡೆ ಈದ್ಗಾ ಮೈದಾನ ಹತ್ತಿರ ಧಾವಿಸಿದರು.
ಇದೆ ವೇಳೆ ಜಿಲ್ಲಾಧಿಕಾರಿ ಗುರುದತ್ ಹೆಗಡೆ‌ಸೇರಿದಂತೆ ಕೆಲವು ಅಧಿಕಾರಿ ವರ್ಗದವರು ಮತ್ತು ಬಿಜೆಪಿ ಕಾರ್ಯಕರ್ತರು, ಹಿಂದುಪರ ಸಂಘಟನೆ ಕಾರ್ಯಕರ್ತರು ಹಾಜರಿದ್ದರು.
